Хамгийн сүүлд нэмэгдсэн нийтлэл:
Уяа хүлгэнд баглуулах нь
2010 оны 9 сарын 15 [Уншсан тоо: 44156]
Хүлээс олон янз. Миний амьдралдаа анх харсан хамгийн сүрхий хүлээс бол Дарийн найзын 2 шууг нийлүүлээд чивчиртэл уясан хүлээс байлаа. Дарь ч мөн өөрөө хүлэгдсэн байсан ба тэднийг хувьсгалын эсэргүүчүүд хаднаас шидчихдэг юм. Энэ одоо нэрий нь мэдкүү дээр үеийн нэг хар цагаан кино л доо.

Тэгвэл амьдралдаа харсан хамгийн ер бусын хүлээс бол нэгэн чимдааны хүлэг байв. Онийсон бацаан бүлтийтлээ гайхаж билээ. Энэ чимдааныг ингэж хүлж яадын гэж асуугаа л. Гэрийнхэн маань яахуу дээ хүүхэдтэй харьцдаггүй монгол зангаараа хэн ч надаа хариулкуу ажил хэргээ ярьцгаагаа л. Хэд хэд шалсны эцэст ээж хэлсэн нь, "онгоцны хүмүүс чимдааныг ачихдаа шиддиймаа, тэгээд эвдрүүлкүү гэж байхгүй юу". Дамба ахын чимдаан шидэгдцэн, агаарт хөөрөн нисэж байгаа нь нүдэнд харагдаж билээ.
Бас багадаа нэг мундаг том хайнагийн шарыг арваад залуу элбэж байж унагаад хүлж байсныг харсан нь миний амьдралдаа нүдээр үзсэн хамгийн лут хүлээс юм. Тэр бол сүхний араар дух руу нь тав зургаа цохиход ч муужрахгүй данхар амьтан байж билээ. Тэгээд бараг 10 шахам цохиулж муужрангуут нэг жижкэээээээээээээээээ туранкай өвгөн ирээд тохой хэрийн туялзуур гутгаар нугас руу нь гатгаж цааш нь харуулсан шд. ... оо энэ юун аймар юм ярьчваа, уучлаарай хө, цаашаа хүлээсээ л ярий.

Харин миний сонссон хамгийн инээдтэй хүлэлт бол Архангайнханы танк хүлдэг түүх. Сүхдэх гээд дух нь олдку болхоор нь загнасан байх, "дахиад үзэгдвэл дэмий шүү!".

Тэгээ л дараа нь эсэн бусын хүлээс их олныг үзжээ. Аманд нь шаариг үмхүүлээд таазнаас гары нь хүлж болдгийг бас л нэг киноноос харсан. Тэр битий хэл нэг сагсгар ташуур барьсан шаргал үстээр сайн дураараа хүлүүлдэг хүмүүс ч янз нь их болтойм билээ.

За хүлэлт гэдэг бол аливаа амьтан, хүн, танкийг дураар нь хөдөлгөхгүй байлгах шаардлагын дагуу хийгддэг эд байхнээ. Гэвч бие хүлэгдэвч сэтгэл хүлэгдэхгүй шүү! гэж боджийнуу тээ. Үгүй шүү дээ тэр чинь. Оюун санаа гэдэг чинь бас л хүлэгддэг эд байгаам. Оюун санааны хүлээс бас л олон янз.
Комнийзмийн далан жил бол Монголчуудыг мөн ч бүдүүн олсоор давхар давхар хүлээд, тас зангидцан байжээ гэдэг нь өнөөдөр тэр хүлээстэйгээ байгаа олон минган хүмүүс байсаар байгаагаар илэрнэ. Гэхдээ энэ бол албан журмын, бүх нийтийн, хүчингийн хүлэлт байж.
Харин нөгөө нэг янз нь болхоор сайн дурын ч гэмээр юм шиг, хүмүүс өөрийн эрхгүй орчдог хүлээс байгаа юм. Энэ нь бас дотроо 2 янз. За энэ бичлэг нэг л хөзрийн илбэ шиг юм болоод байна уу гүй юу. Хөзөр нь дотроо 2 янз....
Эхнийх нь бол жишээ нь рокэрүүд байна.Тэд цагаан сороочик, халимаг үстэй байж болохгүй гэсэн нэг хүлээсэнд эрхэмсэг оршдог улс. Баруун солгойгүй кийборд нүдэж жаргадаг блогчид ч хүлээсэнд байвал байна. Уншигчаа алдаж, комэнтнийхоо тоог цөөрүүлэхгүйн тулд, бас киб андтайгаа муудахгүй байхын үүднээс худлаа үнэн юм бас сараачийшд. Гү тэгээд хүсээгүйгээ хийхийг хүлээсэнд байна гэж шууд хэлэх нь зөвүү буруу юу. Жишээ нь би оройн хоолоо идсэний дараа сайхан зурагтаа үзээд суумаар байхад хар хүйтэн шуургатай байсан хувцаа өмсөөд ажилдаа гардаг. Гү тэхийг хэн хүсxэв дээ. Гэтэл би ажил хийхийгээ аргагүйн эрхэнд арай чүү хийж байгаа юм гэж бодож байгаагүй. Заза учры нь олхоо больчлоо, хүлээсээ л ярий.

Нөгөөх нэг сэтгэлийн хүлээс бол хамгийн хүнд жаанар бөгөөд нийтээр комплекс ч гэж хэлдэг. Tухайлбал Барак Обамаг ялдаг үеэр дэлхийн өнцөг булан бүрийн цагаан арьстнуудын аман дээр, би баяртай байна гэсэн үг жижүүрлээд байсан сан. Баяргүй байна гэчүүл арьсны өнгөөр ялгадаг болчих гээд байгаан.
Тэгвэл лалынхан, ялангуяа Сириэс ирсэн нөхдүүдтэй яаж ч зальдаж яриад Америкийиг, Жорж Бушийг муулсан үг сонсоно гэж гонж. Террорист гэж бодох вий гэхээс айж байгаан. Харин Түүркүүд л амныхаа зоргоор Америкийг муулахтай тааруул таархын. Тэд бид 2-т адилхан юм маш олон байдаг.
Түүнчлэн хэчнээн явдалтай тусмаа элдэв шалиг үгэнд ичиж зовдог бүсгүчүүд, хэдий чадахгүй тусам үзэж харсан хүүхнүүдээ тоолж гайхуулдаг эрс хаа ч байдаг л.
Сэтгэлийн хүлээс тэхээр, хүн ямры нь мэдчих вий гэсэн том айдсаас гардым байна тээ.
Монголд ч янз янзын комплекстэй хүмүүс зөндөө байдаг даа. Хуучны үгэнд ч гардаг нь: "хулгайч л хулгайчийг бариарай гэж хамгийн чанга орилдог...."
Би эх орондоо хайртай гэж чийр болтол орилогсод, хятадыг үзэн яддагаа зарлагсад, бусдыг тийн хочлогсод, хувхай буриадууд хэмээн агсрагсад, бага ястнуудыг ад үзэгсэд, дарга нар идэж уулаа гэж үзэн ядагсад.. гэсэн энэ цуваа нэлээн сунанаа хойшоо. Жинхнээсээ тэгэгсэд ч байдаг л байх л даа бас.

Манай ангийн нэг увсын залуу уучxаараа, "та нар намайг ад үзкээд байнуу гүй юу" гэж агсан тавина. Аа гүэ гүй гээд байхад л "намайг ад үзээд байшд, муусайн халхууд.." гээд явж өгдөг байж билээ. Ангийн нөхдийн нэгээс бусад нь нэг их ойшоож, авч хэлцдэггүй байж. Харин тэр нэг маань түүнийг их ойлгодог байсан юм, "найз нь чамайг ойлгож байна, гэхдээ биднүүсээс ямар ялгаа байгаам бэ" гэж их санаа тавина. Тэгснээ өөр нэг газар, "ер нь увсынхан нэг л санаа муутай.." гэчихсөөн явах. Харин сүүлд дуулах нээ тэр маань хэзээ ч гэнүү дээ бөө өвөр монголчудыг суурьшуулсан сумаас ирсэн хүүхэд байсан юм билээ. Муу найзууд маань бас л том комплекстэй нөхөд байж байж.

Ер нь хүлээстэй нөхөд их байноо. Би монголдоо хайртай гээ л нэг харах царайны төрсөн ээжийгээ ч худалдаж мэдэх хүн орилжаах жишээтэй. Хятадын эрлийзүүд... гээ л хараажаар нэг хятадын эрлийз юмуу өвөрлөгч эсвэл төвд царайт хүн гараа зангидаж ширээ шаах. Цэвэр ари гэж бүтэн үндэстнийг солиоруулж дөнгөсөн Гитлер өөрөө цэвэр ари хүн биш байж билээ. Магадгүй жинхэнэ ари хүн байсан бол тийм дэвэрсэн үндэсний үзэл гаргах байгаа чуу гүй чүү.
"Монголын шилдэг нийтлэлчдийн клуб" танд таалагдаж байвал LIKE хийгээрэй.
Нийтлэлийн архив